तामाकोसी बजार नजिक बसबाट लड्दा एक महिलाको ज्यान गयो

चरिकोट । बसबाट ओर्लिदा अनियन्त्रित भई लड्दा दोलखामा हिजो एक महिलाको मृत्यु भएको छ । जिरीबाट चरिकोट आउँदै गरेको बा२ख ६२०४ नम्बरको बसबाट भीमेश्वर नगरपालिका–५, सत्तरीगोलाई भन्ने स्थानमा ओर्लिदा अनियन्त्रित भई लड्दा ३० बर्षिय उर्मिला श्रेष्ठको शुक्रबार राती घटनास्थलमै मृत्यु भएको दोलखाका प्रहरी प्रवक्ता प्रहरी निरीक्षक रेशम बोहराले जानकारी दिए ।मृतक श्रेष्ठ घटनास्थलभन्दा करिब ४ किलोमिटरको दुरीमा रहेको नयाँपुल बजारबाट यात्रा गरेको प्रहरी निरीक्षक बोहराले जानकारी दिए ।

बस र चालकलाई प्रहरीले नियन्त्रणमा लिएको छ । मृतकको शवलाई पोष्टमार्टमको लागि चरिकोट अस्पतालमा राखिएको छ ।