तामाकोसीले बगाँउदा २ जना बेपत्ता

चरिकोट (दीस)– जिल्लाको २ स्थानमा तामाकोसी नदीले बगाउँदा आज २ जना बेपत्ता भएका छन् । मेलुङ गाउँपालिका वडा नम्बर १ पवटीका ३६ बर्षिय दिपक भुजेल चैतेघाट स्थित तामाकोसी खोलामा माछा मार्ने क्रममा खोलाले बगाई बेपत्ता भएका छन् । भुजेलसँग माछा मार्न उनका बुबा र भाई पनि सँगै गएका थिए । माछा मार्ने क्रममा उनलाई तामाकोसीले बगाएको थियो । बेपत्ता भुजेलको प्रहरी र स्थानियले खोजतलास गरि रहेको प्रहरी बताएको छ ।त्यैसगरी कालिन्चोक गाउँपालिका वडा नम्बर ७ ठुलाखेतका १९ बर्षका नबराज पौडेल नदीमा पौडी खेल्ने क्रममा बेपत्ता भएको जिल्ला प्रहरी दोलखाका प्रबक्ता प्रहरी निरिक्षक रेशम बोहोराले जानकारी दिए । पौडेलको खोजी भइरहेको प्रहरीले बताएको छ । केही दिन अगाडी पनि बैतेश्वर गाउँपालिका ७ का पौडी खेल्ने क्रममा एक युबक बेपत्ता भएका थिए । पछिल्लो समय मापदण्ड विपरीत क्रसर संन्चालन गर्दै जेसिबीले बालुवा झिक्दाँ नदी खाल्डो परि पौडी खेल्ने क्रममा बर्षेनी ज्यान जाने गरेको छ ।