जेष्ठ नागरिकलाई सिरक वितरण

दीक्षण समाचार
चरिकोट, पुस २७
दोलखाको भीमेश्वर नगरपालिका वडा–८ का ८० वर्ष माथिका जेष्ठ नागरिकहरुलाई सिरक वितरण गरिएको छ । चिसो मौसममा जेष्ठ नागरिकहरुको स्वास्थ्यलाई ख्याल गर्दै वडाले ७० जना जेष्ठ नागरिकलाई मंगलबार एक वटाका दरले सिरक वितरण गरेको हो । वडाध्यक्ष काजी बुढाथोकीले जेष्ठ नागरिकलाई न्यानो महसुस गराउन वडाको वार्षिक स्वीकृत कार्यक्रम अन्तर्गत सिरक वितरण गरिएको बताउनु भयो । सिरक प्राप्त गर्न बाँकी रहेका जेष्ठ नागरिकहरुलाई केही दिनमा वितरण गरिने उहाँको भनाई छ ।
सोही कार्यक्रममा दलित समुदायलाई सामूहिक प्रयोजनका लागि एक लाख २५ हजार बराबरको भाँडाकुँडा वितरण गरिएको थियो, भने ४० जना कृषकलाई स्प्रे र १०० जनालाई जै घाँसको बिउ वितरण गरिएको वडाध्यक्ष बुढाथोकीले बताउनु भयो ।