कालिञ्चोक गाउँपालिकाका एक युवकलाई चोरी अभियोगमा पक्राउ

चरिकोट (दीस) ः जिल्ला प्रहरी कार्यालय दोलखाले जिल्लाको कालिञ्चोक गाउँपालिकाका एक युवकलाई चोरीको अभियोग पक्राउ गरेका छ । पक्राउ पर्नेमा कालिञ्चोक गाउँपालिका –२ घर भएका २२ वर्षिय अजिज थामी रहेका छन् । प्रहरीले थामीको साथबाट ल्यापटप, आइफोन र मोबाईलसहित पक्राउ गरेको हो । बुधबार बेलुका सदरमुकाम चरिकोटमा प्रहरीले चेकजाँच गर्ने क्रममा थामीलाई पक्राउ गरेको दोलखा प्रहरीले बताएको छ । थामीले काठमाण्डौबाट चोरेर ती समान ल्याएको खुलेको जिल्ला प्रहरी कार्यालय दोलखाले जनाएको छ । थामीलाई सामानसहित कारवाहीको लागि प्रहरी वृत जनसेवा काठमाण्डौ पठाएको दोलखा प्रहरीको भनाई रहेको छ ।