छोरी जन्माउनेलाई सम्मान

सिन्धुपाल्चोक(दीस)ः सिन्धुपाल्चोकको बलेफी गाउँपालिकाले छोरी जन्ममाउनेलाई सम्मान गर्ने भएको छ । गाउँपालिकाले छोरी सम्मान कार्यक्रम अन्तर्गत छोरी जन्माउने आमालाई नगद सहित सम्मान गर्ने भएको हो । आर्थिक वर्ष २०७९–८० को बजेटमा छोरी जन्माउने आमालाई प्रोत्साहनस्वरुप तीनहजार नगद सहित सम्मान गर्ने ब्यवस्था मिलाइएको प्रमुख शासकीय अधिकृत देवीलाल सापकोटाले बताउनु भयो । स्वास्थ्य संस्थामार्फत सुत्केरी भएका छोरी जन्माएका स्थानीयलाई सो रकम सहित सम्मान गरिने अधिकृत सापकोटाको भनाई रहेको छ । छोरा छोरी समान हुन् भन्ने मान्यता समाजमा स्थापित गर्न सो कार्यक्रम ल्याइएको गाउँपालिकाले बताएको छ ।