चरिकोटमा एक जनाको टिपरद्धारा च्यापिएर मृत्यु

चरिकोट –दोलखाको सदरमुकाम चरिकोटमा आज एक जनाको टिपरद्धारा च्यापिएर मृत्यु भएको छ । जिल्लाको भीमेश्वर नगरपालिका वडा नं ६ चोथाङ स्थित  वर्कसपमा मिस्त्री काम गर्ने मजदुर अरबिन्द्र साहकानुको मृत्यु भएको हो । पर्सा जिल्ला बिरगंज उपमहानगरपालिका वडा नंम्बर ११ स्थाई ठेगानाका भएका बर्ष १८  का साहकानुको बा २ क २८३७ नंम्बरको टिपरको ढालाको हाइट्रोलिक खोली मर्मत गर्ने क्रममा अकस्मात ढाला खस्न गई बिचमा च्यापिएर मृत्यु भएको जिल्ला प्रहरी कार्यालय दोलखाले जनाएको छ । उक्त लाश पोष्टमार्टमको लागि जिल्ला प्राथामिक स्वास्थ्य केन्द्र चरिकोटमा पठाईएको पनि प्रहरीले बताएको छ ।