आगलागीबाट घर क्षतिग्रस्त

दीक्षण समाचार

चरिकोट, मंसिर २२

दोलखाको बैतेश्वर गाउँपालिका–३ मिर्गे स्थित एक घरमा बिहीबार आगलागी भएको छ । मिर्गे लप्सेखेतमा भूकम्पपछि बनेको सुमन राउतको पक्की घरमा आगलागी भएको हो । धान्यपूर्णिमको अवसरमा बिहान बालिएको धुप बत्तीबाट आगो सल्किएर घरमा आगलागी भएको स्थानीय इराज राउतले बताउनु भयो । स्थानीयले आगालागी नियन्त्रणको प्रयास गरेपनि घर पूर्ण रुपमा क्षतिग्रस्त भएको उहाँले बताउनु भयो । धूप बालेर घरमा छोडेको र घरमा कोही नभएको बेला आगो सल्केको राउतको भनाइ छ ।