गौरीशंकरको उपाध्यक्षमा एमालेकी उम्मेदवार उमा मगर शेर्पाले विजयी

चरिकोट :दोलखाको गौरीशंकर गाउँपालिकाको उपाध्यक्षमा एमालेकी उमा मगर शेर्पा बिजयी हुनुभएको छ । आइतबार सम्पन्न भएको उपनिर्वाचनमा उपाध्यक्ष पदमा शेर्पाले २ हजार ८०५ मत ल्याएर बिजयी हुनुभएको हो ।

मुख्य निर्वाचन अधिकृतको कार्यालय दोलखाले सार्वजनिक गरेको  मत परिणामअनुसार  माओवादी केन्द्रकी निमलेकी शेर्पाले २ हजार ६ सय  मत प्राप्त गर्नुभएको छ।। यस्तै नेपाली कांग्रेसकी पासदिकी शेर्पाले १ हजार ७२७ मत पाउनुभएको छ ।

यस्तै, रास्वपाकी उमा श्रेष्ठको १००, नेकपा एसकी रविना खड्काको ९० मत, राप्रपाको मनुकुमारी श्रेष्ठको ११८ मत आएको छ । गौरीशंकरमा ७ राजनीतिक दल र ९ स्वतन्त्र गरी १६ जना उम्मेदवार चुनावी प्रतिष्पर्धामा रहेका थिए ।

२०७९ को निर्वाचनमा माओवादीसँगको गठबन्धनमा कांग्रेसका श्याम सुन्दर तामाङ निर्वाचित भएका थिए। उनको निधनपछि यही मंसिर १६ गते उपनिर्वाचन भएको हो ।

गौरीशंकरमा उपाध्यक्ष पदका लागि आईतवार भएको मतदानमा ७ हजार ५ सय ९० अर्थात ४८.२९ प्रतिशत मत खसेको थियो  ।