गाैरीशंकर गाउँपालिका–४ झ्याकुमा बोलेरो जिप दुर्घटना हुँदा घाइते २ जनाकाे मृत्यु

चरिकोट –दोलखाको गौरीशंकर गाउँपालिका–४, झ्याकुमा आइतबार साँझ बोलेरो दुर्घटना हुँदा  गम्भीर घाइते  २ जनाको मृत्यु भएको छ  भने ४ जना घाइते भएका छन्। दुर्घटना आइतबार साँझ भएको थियो, जसमा बा २० च ७२६६ नम्बरको बोलेरो जिप अनियन्त्रित भई दुर्घटना भएको हो। इलाका प्रहरी कार्यालयका प्रहरी निरीक्षक महेन्द्र दर्नालका अनुसार, दुर्घटनामा ७५ वर्षीया काली शेर्पा र ५५ वर्षीय पसि शेर्पाको मृत्यु भएको छ।

दुर्घटनामा अन्य घाइतेहरूमा चालक मिङमार शेर्पा, अन्तु शेर्पा र अन्तु शेर्पाकी बुहारी रहेका छन्। उनीहरूलाई उद्धार गरी सिंगटी प्राथमिक अस्पतालमा लगिएको छ। दुर्घटना वडा कार्यालय नजिकै भएको हो।