खाडिचौर चरिकोट सडक खण्डको सुधार गरी यातायात सुचारु गर्न माग

चरिकोट –खाडिचौर चरिकोट सडक खण्डको सुधार गरी यातायात सुचारु गर्न माग गर्दै दोलखा उद्योग वाणिज्य संघ ले शुक्रवार प्रमुख जिल्ला अधिकारी मार्फत सरकारलाई ज्ञापन पत्र बुझाएको छ । ज्ञापन पत्रमा ३ दिन भित्र सडक मर्मत गरी यातायात संचालन योग्य बनाउन माग गरिएको छ । माग पूरा नभएमा शशक्त आन्दोलन गरिने चेतावनी संघका महासचिव हेमराज रिमालद्वारा हस्ताक्षरित विज्ञप्तिमा जनाइएको छ ।सडककै कारण दोलखाको ब्यापार ब्यावसाय चौपट लागेको ले यसको विरोधमा शनिवार चरिकोट बजार बन्द गर्ने घोषणा गरेको छ ।