काभ्रेमा बस दुर्घटना परी १७ जनाको मृत्यु

काभ्रे ः काभ्रे जिल्लाको बेथानचोक गाउँपालिका–४ मा बस दुर्घटना परी १७ जनाको मृत्यु भएको छ ।१३ जनाको घटना स्थलमा र ४ जनाको उपचार क्रममा मृत्यु भएको जिल्ला प्रहरी कार्यालय काभ्रेले जनाएको छ ।
पालिकाको वडा नं ४ स्थित चलाल गणेशस्थानको सल्लाफेद भन्ने स्थानमा मंगलबार साँझ ६ बजेतिर बा ३ ख ४३८५ बस दुर्घटना भएको हो । बनेपा नगरपालिका वडा नं ११ बाट ब्रतबन्धका लागि गाउँपालिकाको वडा नं ५ स्थित च्याल्टी पुगेर फर्किँदै गरेको रिजर्भ बस दुर्घटना भएको स्थानीयले बताएका छन् । घाइतेहरुको शिर मेमोरियल अस्पताल र धुलिखेल अस्पतालमा उपचार भइरहेको प्रहरीले जनाएको छ ।