ओस्ताज समुहद्धारा दोलखामा राहत वितरण

चरिकोट (दीस) –ओस्ताज समुहले दोलखाका बिभिन्न पालिकामा खाद्यन सामाग्री वितरण गरेको छ । फेसबुक ओस्ताज समुहले कोभिड १९ का कारण दैनिक जीवनयापन गर्न कठिनाई परेका परिवारलाई सहयोग बितरण गरेका हो ।

ओस्ताज समुहले कालिन्चोक गाउँपालिका ३ सिगटीका तीन परिवार , कालिन्चोक गाउँपालिका ४ चप्लेटीका नौ परिवार , कालिन्चोक गाउपालिका ४ बन्चरेका चार परिवार गौरीशंकर गाउँपालिका ४ झाङ्ग्रालिका पाँच परिवारलाई राहत वितरण गरेको जनाएको छ ।

त्यसैगरी बिगु गाउँपालिका ४ सिगटी पल्लो बजारका एक परिवारलाई खाद्यन्न सामाग्री चामल, दाल, तेल लागायत दैनिक उपभोग्य सामग्री बितरण गरेको छ ।

हाल ओस्ताज समूहमा २० जना सकृय सदस्यहरु रहेको समुहका बिक्रान्त कार्कीले बताए ।

दोलखा जिल्लाको उत्तरमा रहेको ब्यापारीक नाका सिगटीमा क्रियासिल यूबा क्लब कमलामाई सामाजिक युबा क्लब र न्यू जेनेरेशन क्लबको पनि यो समूह सँग सहकार्य गरेर अगाडी बढेको छ ।

विभिन्न खाले प्रकोपमा परेका कठिनाईमा परेका समुदाय एबम व्यक्तिलाइ निरन्तर सहयोग गर्ने प्रतिबद्धता ओस्ताज समुहको रहेको समुहले जनाएको छ । अहिले पनि उक्त समुहमा विभिन्न ब्यक्तिहरुबाट सहयोग आउने क्रम जारी रहेेको  जनाइएको छ ।