एमाले भीमेश्वर नगर अधिवेशन सम्पन्न

दीक्षण समाचार
चरिकोट, कार्तिक १२
नेपाल क्युनिष्ट पार्टी एमाले भीमेश्वर नगर अधिवेशन शुक्रबार सम्पन्न भएको छ । गौरीशंकर क्याम्पसको चौरमा आयोजित अधिवेशनबाट ज्ञानेन्द्र प्रधानको अध्यक्षतामा सर्वसम्मत ७५ सदस्यीय नगर समिति गठन गरिएको छ । समितिको उपाध्यक्षमा जगन्नाथ बस्नेत, सचिवमा भोला खतिवडा, सहसचिवमा ज्ञानबहादुर तामाङ र मेनुका सुवेदी रहनुभएको छ । नगरको वडा अधिवेशनबाट सर्वसम्मत वडा समिति गठन भएको छ । वडा नम्बर –१ वडा समितिको अध्यक्षमा उद्धव कार्की, वडा नम्बर २ को अध्यक्षमा राजेन्द्र नारायनण श्रेष्ठ, वडा नम्बर –३ को अध्यक्षमा राजन थापा, वडा नम्बर –५ को अध्यक्षमा सिताराम सुवेदी रहनुभएको छ ।
वडा नम्बर ६ को अध्यक्षमा राधाकृष्ण थापा, वडा नम्बर ७ को अध्यक्षमा रघुनाथ कार्की, वडा नम्बर–८ को अध्यक्षामा मानबहादुर केसी र वडा नम्बर –९ को अध्यक्षमा दुर्गा श्रेष्ठ रहनुभएको छ । भीमेश्वर नगरपालिकामा रहेको नौ वटा वडामध्ये आठ वटा वडामा यसअघि नै एमालेको नयाँ नेतृत्व सर्वसम्मत भएपनि वडा नम्बर ४ मा भने अझै गठन गर्न सकेको छैन । यस वडामा केही दिनपछि नयाँ नेतृत्व चयन हुने एमालेले जनाएको छ ।