उपाधी कालिञ्चोक गाउँपालिका समुह ‘ए’ लाई

चरिकोट, पुस १८ प्रथम कालिञ्चोक अध्यक्ष कप, खुल्ला पुरुष भलिबल प्रतियोगिता–२०७७ को उपाधी कालिञ्चोक गाउँपालिका समुह ‘ए’ ले पाएको छ । ‘स्वास्थ्यका लागि खेलकुद, राष्ट्रको लागि खेलकुद’ भन्ने मुल नाराका साथ कालिञ्चोक गाउँपालिका वडा नं. ५ लापिलाङमा शनिबार सम्पन्न प्रतियोगितको उपाधी उक्त समुहले पाएको हो । प्रतियोगितामा प्रथम भएसगैँ उक्त समुहलाई नगद १ लाख रुपैयाँ सहित ट्रफि, मेडल र प्रमाण पत्र प्रदान गरिएको छ । प्रतियागितामा द्धितिय गौरीशंकर गाउँपालिका, तृतिय विगु गाउँपालिका र कालिञ्चोक गाउँपालिका समुह ‘डि’ले सान्त्वना पुरस्कार हात पार्न सफल भएका छन् । द्धितिय हुने समुहलाई ७० हजार, तृतिय समुहलाई ५० हजार र सान्त्वना हुने समुहलाई नगद ३० हजार सहित ट्रफि, मेडल र प्रमाण पत्र प्रदान गरिएको गाउँपालिका खेलकुद विकास समितिका सदस्य अर्जुन थापाले बताए । प्रतियोगितामा उत्कृष्ट प्लेयर कालिञ्चोक गाउँपालिकाका विजयराज बस्नेत, उत्कृष्ट सर्भर कालिञ्चोक गाउँपालिकाका हरि बुढाथोकी, उत्कृष्ट सेटर गौरीशंकर गाउँपालिकाका सोवित खड्का, उत्कृष्ट स्पाईकर कालिञ्चोक गाउँपालिकाका नविन्द्र घिमिरे, उत्कृष्ट डिफेन्डर गौरीशंकर गाउँपालिकाका राजन तामाङ र उत्कृष्ट बलर कालिञ्चोक गाउँपालिकाका कृष्ण थापालाई नगद २ हजार सहित ट्रफि, मेडल र प्रमाण प्रदान गरिएको छ ।

तस्बिर साैजन्य निराज मगर