आफ्नो सदस्यको पीडालाई मलम लगाउदै चेम्बर अफ कर्मश दोलखा

चरिकोट (दीस) ः चेम्बर अफ कर्मश दोलखाले आफ्नो सदस्यको पीडालाई केही भए पनि मलम लगाएको छ । दोलखा महिला चेम्बर अफ कमर्सकी सदस्य सिर्जना प्रधानको श्रीमानको हालै भएको मृत्यु पछि नगद पाँच हजार रुपैया आर्थिक सहयोग गरेको चेम्बर अफ कर्मश दोलखाका उपाध्यक्ष रुद्रजंग बुढाथोकीले जानकारी दिनु भयो । मृतक प्रधानकी आमालाई आज उक्त सहयोग रकम हस्तान्तरण गरिएको हो । प्रधानको श्रीमानको यो साता राजधानी काठमाडौमा आइसियूमा उपचार क्रममा मृत्यु भएको थियो । उनीहरु लामो समय देखी सदरमुकाम चरिकोटमा होटल व्यवसाय गर्दै आएका थिए । दोलखा चेम्बरले आफ्ना सदस्यलाई परेको पीडालाई केही भएपनि राहत होस भनेर चेम्बरको बैठकले उक्त रकम सहयोग गरेको चेम्बर दोलखाका अध्यक्ष विष्णु श्रेष्ठले जानकारी दिनु भयो । दोलखा चेम्बरले दोलखामा विपद्मा पीडितलाई समेत आर्थिक सहयोग गर्दै आएको छ । दोलखा चेम्बर पछिल्लो समय अप्ठ्यारोमा परेका व्यवसायीका मुद्वा उठान गर्दैै आएको चेम्बरका सदस्यहरुको भनाई रहेको छ ।