कालिञ्चोक माविमा रक्तदान कार्यक्रम सम्पन्न, २८ पिन्त रगत संकलन

चरिकाेट, पुस २६–दोलखाको सदरमुकाम चरिकोट लामाचाैरमा अवस्थित कालिञ्चोक माध्यमिक विद्यालयमा आइतबार रक्तदान कार्यक्रम सम्पन्न भएकाे छ । ‘रक्तदान, जीवन दान’ भन्ने मुलमन्त्रको साथ नेपाल रेडक्रस सोसाइटी दोलखाको समन्वयमा कालिञ्चोक माध्यमिक विद्यालय र चरिकोट क्याम्पासको संयुक्त आयोजनामा रक्तदान कार्यक्रम गरिएको हो । रक्तदान कार्यक्रममा २८ जना शिक्षक र विद्यार्थीहरुले रक्तदान गरेका थिए । जसबाट २८ पिन्त रगत संकलन भएको आयोजकले जनाएको छ । नियमित रक्तदान कार्यक्रम आयोजना भएन भने ब्लड बैँकमा रगतको अभाव हुन जान्छ । जसले गर्दा सुत्केरीसहित विभिन्न दुर्घटनामा परेकाको उपचारमा समस्या हुन्छ । त्यसैले कोही पनि रगत अभावमा नपरुनु भन्ने उद्देश्यले रक्तदान कार्यक्रमको आयोजना गरिएको कालिञ्चोक माध्यमिक विद्यालयका प्रधानाध्यापक नवराज न्यौपानेले बताए । रक्तदान गर्नेहरुको रगतले कसैको जीवन बच्न सक्छ त्यसैले सबैले मानवीयताको भावना राखेर रक्तदान गर्नुपर्ने नेपाल रेडक्रस सोसाइटी दोलखाका सभापती गोकर्ण प्रसाद पोखरेलले बताए । जिल्लामा रगतको धेरै माग हुने गरेको छ । त्यसैले रगत अभाव हुन नदिन योग्य व्यक्तीहरुले चरिकोटमा रहेको ब्लड बैँकमै आएर पनि रक्तदान गर्न सकिने उनले बताए ।