कालिञ्चोकका होटल ब्यवसायीलाई भूवहाल कर तिर्न आग्रह

चरिकोट(दीस)ः कालिञ्चोक निकट कुरी क्षेत्रका होटल ब्यवसायीहरुलाई भुबहाल बुझाउन भीमेश्वर,कालिञ्चोक, त्रिपुरासुन्दरी गुठी ब्यवस्थापान समितिले आग्रह गरेको छ । एक सार्वजनिक सूचना प्रकाशन गर्दै समितिले सो आग्रह गरेको हो ।
विगतदेखि सम्झौता गरी होटल ब्यवसाय सञ्चालन गर्दै आएका ब्यवसायीहरुलाई श्रावण मसान्तसम्म सम्झौता बमोजिमको भूबहाल कर बुझाउन सूचनामा भनिएको छ । पटकपटक ताकेता गर्दा पनि कतिपयले भूवहालकर नतिरेको उल्लेख गर्दै अटेर गर्नेहरु विरुद्ध कानुन बमोजिम कारवाही गरिने समितिले जनाएको छ ।