नेकपा स्थायी कमिटीको बैठक मंसिर २८ गतेसम्मको लागि स्थगित

काठमाडौ – नेकपा स्थायी कमिटीको बैठक मंसिर २८ गतेसम्मको लागि स्थगित भएको छ ।। मंसिर २५ गतेका लागि बोलाइएको केन्द्रीय कमिटी बैठक भने पुस ५ गतेसम्मका लागि सरेको बैठकपछि पार्टी प्रवक्ता नारायणकाजी श्रेष्ठले जानकारी दिए ।
‘पार्टी एकता बचाएर लैजान कार्यकारी अध्यक्ष पुष्पकमल दाहाल ‘प्रचण्ड’ले अर्का अध्यक्ष केपी शर्मा ओलीसँग छलफल गर्ने र गृहकार्य गरेर मंसिर २८ गते स्थायी कमिटीको बैठक फेरि बस्नेछ,’ पौडेलले भने । बैठकमा प्रचण्डले लामो सम्बोधन गरेका थिए । अर्का पाटी अध्यक्ष एबंम प्रधान मन्त्री केपि ओली आज बैठकमा सहभागि भएन् । ओलीको असन्तुष्टिका बीच बैठकमा ओली र प्रचण्डको यसअघिको दुबै प्रस्ताव पेश भएको छ भने सो प्रस्ताव अध्ययनका लागि ७ दिनको समय दिइएको छ । अर्को बैठक २८ गतेका लागि बोलाइएको र यसअघि नै तय भएको मंसिर २५ को केन्द्रीय समिति बैठक पुस ५ गतेका लागि सारिएको पनि श्रेष्ठले जानकारी दिए । बैठकमा प्रचण्डले पार्टीभित्र देखिएको समस्याका सन्दर्भमा केन्द्रीत रहेर बैठकलाई ब्रिफिङ समेत गरेका थिए ।  आजको बैठकपछि पार्टी प्रवक्ता श्रेष्ठ प्रकाशले स्थायी समितिमा पार्टीको आन्तरिक समस्याबारे छलफल भएको जानकारी दिए । बैठकमा सहभागी नभएका ओलीले स्थायी समितिलाई सम्बोधन गरेर पत्र पठाएको उनले जानकारी दिए । सचिवालय सदस्य ईश्वर पोखरेलमार्फत आएको सो पत्रमा प्रचण्डको प्रस्तावलाई औपचारिक रुपमा बैठकमा छलफल गर्न नसकिने ओलीले धारणा राखेका थिए