सुनको मूल्य हालसम्मकै उच्च रेकर्ड

काठमाडौं ।नेपालको स्थानीय बजारमा आज सुनको मूल्यले नयाँ कीर्तिमान कायम गरेको छ। सुनको मूल्य लगातार वृद्धि हुँदै गर्दा आज प्रतितोला रु एक लाख ५८ हजार आठ सय निर्धारण भएको छ, जुन अघिल्लो दिनको तुलनामा रु एक हजार सात सयले वृद्धि भएको हो। अन्तर्राष्ट्रिय बजारमा सुनको मूल्यमा आएको वृद्धिले स्थानीय बजारमा पनि प्रभाव पारेको छ।

नेपाल सुनचाँदी व्यवसायी महासङ्घका अनुसार, असोज १ गतेको तुलनामा आज छापावाला सुन तोलामा रु दुई हजार एक सयले बढेको छ। यसैगरी, चाँदीको मूल्य पनि बढेर आज प्रतितोला रु एक हजार नौ सय २० पुगेको छ, जुन शुक्रबारको मूल्यभन्दा रु पाँचले वृद्धि भएको हो।