शैक्षिक प्रदर्शनी मार्फतः शैक्षिक सामाग्री निर्माणमा उत्प्रेरणा जगाउँदै तामाकोशी गाउँपालिका

शिक्षक र विद्यार्थीहरु विच छुट्टाछुट्टै प्रतिस्पर्धा गराई प्रदर्शनी भएको कार्यक्रममा ३४ वटा स्टलहरु राखिएका थिए । उक्त स्टल मार्फत विद्यार्थहरुले तयार गरेका गणित, विज्ञान, कम्प्यूटर, स्वास्थ्य शारिरीक तथा सामाजिक विषयसँग सम्बन्धित शैक्षिक सामाग्रीका साथै गाउँघरमा प्रयोगहुने विभिन्न परम्परा र चलनचल्ति झल्कल्ने घरायसी सामानहरुको प्रदर्शनी गरिएको थियो । स्टलमा राखिएका शैक्षिक सामग्रीहरुको प्रदर्शनिलाई अवलोकन गरी सम्पूर्ण विषयवस्तुलाई समेटेर उत्कृष्टता प्रस्तुत गरेका आकर्षक स्टलहरुलाई विजेता घोषणा गरिएको थियो । जसअनुसार माध्यमिक तहका विद्यार्थिहरुको प्रतिस्पर्धात्मक प्रदर्शनिमा प्रथम, द्धितीय र तृतीय क्रमश: महेन्द्र मावि, च्यामा, कालिका मावि, हाँवा र जनप्रभात मावि, झुलेले हात पारेका छन् । त्यस्तै आधारभूत तह तर्फको प्रदर्शनिमा गणेश आधारभूत विद्यालय, भिरकोट, अम्बिका आधारभूत विद्यालय, हाँवा र दुम्सिझाङ आधारभूत विद्यालयले क्रमश प्रथम, द्धितीय र तृतीय स्थान प्राप्त गरेका हुन् । गाउँपालिकाले मावि र आधारभूत तह तर्फको प्रतिस्पर्धात्मक प्रदर्शनिमा प्रथम, द्धितीय र तृतीय हुने विद्यालयहरुलाई क्रमश १० हजार, ७ हजार र ५ हजार नगद सहित प्रमाणपत्र प्रदान गरेको छ । प्राथमिक तह तर्फको प्रतिस्पर्धामा भने प्रथम, द्धितीय र तृतीय हुने बुढिचण्डिका प्रावि, भिरकोट, इन्द्रावती प्रावि, भिरकोट र जाल्पादेवी प्रावि, मालुले ५ हजार, ४ हजार र ३ हजार का दरले नगद सहित प्रमाण-पत्र प्राप्त गरेका छन् ।

त्यस्तै १५ वटा स्टलहरु मार्फत प्रतिस्पर्धात्मक शैक्षिक सामग्रीहरु प्रदर्शन गरेका १५ जना शिक्षकहरुमध्ये तहगत रुपमा उत्कृष्टता प्रस्तुत गर्ने शिक्षकहरुलाई समेत नगद रु. 10 हजार 7 हजार र 5 हजार रकमका साथै प्रमाण पत्रले सम्मान गरिएको छ । यस प्रकारको शैक्षिक प्रदर्शनी कार्यक्रमले विद्यार्थिहरुमा प्राविधिक सिपको विकास हुने र शिक्षकहरुको पाठ्य सामग्री मार्फत शिक्षण सिकाई क्रियाकलाप सञ्चालन गर्ने सिपको विकासमा सहयोग पुग्ने देखिएको छ । गाउँपालिका अध्यक्ष ईश्वरचन्द्र पोखरेलद्धारा उदघाटन भएको कार्यक्रममा ३४ विद्यालयका शिक्षक, विद्यार्थिका साथै गाउँपालिकाका स्थानीय जनप्रतिनिधी, गाउँपालिका स्तरीय शिक्षा समितका सदस्य, पत्रकार लगाएतको उपस्थिति रहेको थियो ।