वडा अध्यक्ष लामालाई श्रद्धाञ्जली

चरिकोट । दोलखाको शैलुङ गाउँपालिका वडा नम्बर -७ का वडा अध्यक्ष स्वर्गीय धावा वाङ्गेल लामा ( प्रेम लामा) को सम्झानामा श्रद्धाञ्जली सभा कार्यक्रम सम्पन्न भएको छ।जिल्ला समन्वय समितिको आयोजनामा बुधबार बिहान जिससको कार्यलयमा श्रद्धाञ्जली सम्पन्न भएको हो। कार्यक्रममा जिल्लाका ९ वटै स्थानीय तहका जनप्रतिनिधिहरुको सहभागी रहेको जिसस प्रमुख डबल पाण्डेले जानकारी दिनुभयो। चरिकोटमा भएको सभामा भीमेश्वर नगरपालिकाका मेयर भरत के.सी , तामाकोसी गाउँपालिकाका अध्यक्ष ईस्वर चन्द्र पोखरेल ,जनप्रतिनिधी , कर्मचारी तथा अन्य ब्यक्ति उपस्थीती रहेको थियो । कार्यक्रममा स्वर्गीय लामको तस्बिरमा माल्यार्प गर्नुका साथै एक मिनेट मौनधारण गरेका छन्। जिरी नगरपालिकाले पनि आज श्रद्धाञ्जली सभा गरेको छ । नगरप्रमुख टंक जिरेल , उपप्रमुख कृष्ण माया बुढाथोकी तथा अन्य जनप्रतिनिधी , कर्मचारीले श्रद्धाञ्जली दिएका थिए ।

तत्कालीन नेकपा एमालेबाट वडा अध्यक्षमा निर्वाचित अध्यक्ष लामाको कोरोना संक्रमणबाट सोमबार ललितपुरस्थित किष्ट अस्पतालमा उपचारको क्रममा सोमबार दिउँसो ३ बजे उहाँको मृत्यु भएको थियो। निमोनियाको लक्षण देखिएपछि थप उपचारका लागि उहाँलाई २१ गते काठमाडौं लगिएको थियो । ५३ वर्षीय लामाको सुरुको दुई दिन चाबाहिल स्थित हेल्पिङह्यान्ड अस्पतालमा उपचार गराए पनि स्वास्थ्यमा सुधार नआएपछि २३ मंसिरमा किस्ट मेडिकल कलेजमा भर्ना गरिएको परिवारले जनाएको छ।