ईश्वर बिश्वकर्मा
चरिकोट, चैत्र ३०
चरिकोटमा रहेको प्राथमिक स्वास्थ्य केन्द्र (प्रस्तावित चरिकोट अस्पताल) मा प्रसुति सेवा लिएर लकडाउन अवधिमा ५३ जना महिला सुत्केरी भएका छन् । त्यसैगरि ५३ जना नै शिशु जन्मिएका छन् ।
लकडाउन गरेको १९ औँ दिन अर्थात् चैत्र ११ देखि २९ गतेसम्म जिल्लाका ५३ जना महिला अस्पतालमा सुत्केरी भएका हुन् । अस्पतालको तथ्याङ्कअनुसार भीमेश्वर नगरपालिकाका १४, कालिञ्चोक गाउँपालिकाका १४ जनाले प्रसुति सेवा लिएका छन् । गौरीशंकर गाउँपालिकाका ४ जना, तामाकोसी गाउँपालिकाका ४ जना र शैलुङ गाउँपालिकाका ४ जना महिलाले प्रसुति सेवा लिएका अस्पतालका सुचना अधिकारी शान्ती प्रसाद न्यौपानेले बताए । त्यसैगरि बैतेश्वर गाउँपालिकाका ७ जनाले र विगु गाउँपालिकाका १ जनाले प्रसुति सेवा लिएका छन् । लकडाउनको समयमा बहिरङ्ग सेवा (ओपिडी) बन्द गरेको अस्पतालले आकस्मिक सेवा २४ सै घण्टा सुचारु रहेको र सबै सेवा दिइरहेको उनले बताए । जसले गर्दा प्रसुति सेवामा कुनै किसिमको प्रभाव परेको छैन । सरकारले सुत्केरीलाई दिने यातायात खर्चवापतको रकम पनि सबै सुत्केरीहरुले लिएका छन् ।
दोलखामा लकडाउन अवधिमा ५३ जना महिला सुरक्षित सुत्केरी भए
![](http://www.dikshannews.com/wp-content/uploads/2020/04/sutakir.jpg)
Be the first to comment on "दोलखामा लकडाउन अवधिमा ५३ जना महिला सुरक्षित सुत्केरी भए"