मन्थली (रामेछाप), १५ असोजः जिल्लाको सदरमुकाम मन्थलीमा शनिबारदेखि अवरुद्ध रहेको विद्युत् सेवा सञ्चालन भएको भएको छ । शनिबार आएको बाढी, पहिरोले ढल्केवर र लामोसाँघुबाट ल्याएको विद्युत्को दुवैतिरको खम्बा ठाउँठाउँमा बगाएको, तार चुँडिएकाले शनिबारदेखि सदरमुकाम मन्थली र मन्थली सवस्टेशनबाट वितरण गरिएको जिल्लाका विभिन्न क्षेत्रको विद्युत् सेवा अवरुद्ध भएको थियो । न्यू खिम्ती सवस्टेशनबाट मन्थली सवस्टेशनसम्म ३३ केभी प्रसारण लाइनको विद्युत् खम्बा करिब ५२ घण्टाको मर्मतपश्चात् सोमबार साँझदेखि सेवा सञ्चालनमा ल्याइएको नेपाल विद्युत् प्राधिकरण मन्थली मन्थली शाखाका प्रमुख दीपेन्द्र बुढाथोकीले जानकारी दिनुभयो । उहाँका अनुसार वैकल्पिक रुपमा जनकपुर ढल्केवर मन्थली जोडिएको लाइनको पनि मर्मत जारी रहेको छभने मन्थली सवस्टेशनबाट जिल्लाका विभिन्न भागमा वितरण गरिएको ११ केभीको वितरण लाइन पनि सञ्चालनको प्रयास भइरहेको छ । विद्युत् सेवा अवरुद्ध भएपछि जिल्लामा टेलिफोन, इन्टरनेट र खानेपानी सेवासमेत अवरुद्ध भएको थियो । विद्युत् सेवा सञ्चालन गर्न प्राधिकरणका कर्मचारी, नेपाली सेना, प्रहरी, स्थानीय निकायका साथै रामेछापका ‘सहयोगी मन’का सदस्यहरुले सहयोग गर्नुभएको स्थानीय समाजसेवी विपीन भट्टराईले जानकारी दिनुभयो । —
मन्थलीमा विद्युत् आपूर्ति सञ्चालन
Posted By: दीक्षण दैनिक १५ आश्विन २०८१, मंगलवार १९:३४
५ कार्तिक २०८१, सोमबार १३:०५
५० प्रतिशत अनुदानमा मेसिनरी औजार उपलब्ध गराइने
५ कार्तिक २०८१, सोमबार १३:०९
रोल्वालिङ हिमश्रृंखलाको उत्तर पश्चिमी मोहडाबाट दुई आरोहीद्वारा सफल आरोहण
५ कार्तिक २०८१, सोमबार १२:५३
रास्वपा दोलखाले आज विरोध प्रदर्शन गर्दै
५ कार्तिक २०८१, सोमबार १२:४३
सुनको मूल्यमा नयाँ कीर्तिमान
५ कार्तिक २०८१, सोमबार १२:३९
ड्रागन फ्रुटसँगै सयपत्री फूलको खेती
५ कार्तिक २०८१, सोमबार १२:५२
अरिङ्गालको टोकाईबाट घाइते एकको मृत्यु
५ कार्तिक २०८१, सोमबार १३:०२
Be the first to comment on "मन्थलीमा विद्युत् आपूर्ति सञ्चालन"