भूकम्प पीडितलाई दोलखाका स्थानीय तहले २० लाख सहयोग गर्ने

चरिकोट (दीस) ः दोलखाका सबै स्थानीय तहले रुकुम पश्चिम र जाजरकोटको भूकम्प पीडितलाई नगद २० लाख रुपैयाँ सहयोग दिने भएका छन्  । सोमबार बसेको जिल्ला समन्वय समितिको हलमा स्थानीय तहका जनप्रतिनिधीको बैठकले सो निर्णय गरेको मेलुङ गाँउपालिकाका अध्यक्ष हिरा थोकरले जानकारी दिनु भयो । जिल्लाका २ नगरपालिकाले ३ लाखका दरले र ७ वटा गाउँपालिकाले २ लाखका दरले कुल २० लाख रुपैयाँ सहयोग गर्ने निर्णय गरेको उहाँले बताउनु भयो । बैठक जिल्ला समन्वय समिति दोलखाका प्रमुख बर्जुराम घतानीको अध्यक्षतामा सम्पन्न भएको हो ।