चरिकोट (दीस) ःप्रथम बागमती प्रदेशस्तरीय अन्तरपालिका ‘शहिद रितबहादुर खड्का स्मृति भलिबल प्रतियोगिता’को उपाधि मेलम्चीले हात पारेको छ। शुक्रबार सम्पन्न प्रतियोगितामा दोलखाको जिरी नगरपालिकालाई ३–०को सेटमा हराउदै मेलम्चीले उपाधि जितेको
हो । चरिकोटमा शुक्रबार सम्पन्न भएका प्रतियोगितामा विजेता मेलम्चीले २ लाख ५१ हजार नगद रुपैया शिल्ड ,मेडल ,प्रमाणपत्र पााएको छ । त्यसैगरी उपविजेता जिरी नगरपालिकाले १ लाख ५१ हजार सहित शिल्ड मेडल र प्रमाणपत्र प्राप्त गरेको छ ।
प्रतियोगितामा सिन्धुलीको कमलामाई नगरपालिका तेस्रो भएको छ । उसले रामेछापको मन्थली नगरपालिका ३÷१ले हराउदै तेस्रो भएको हो । तेस्रो भएको कमलामाई नगर रुपैया ५१ हजार तथा चौथो भएको मन्थली नगरपालिकाले २१ हजार नगद सहित शिल्ड मेडल र प्रमाणपत्र प्राप्त गरेका छन् ।
गत सोमबारदेखि दोलखा युवा सञ्जालको आयोजनामा सम्पन्न भएको प्रतियोगिता शुक्रबार सम्पन्न भएको छ । विजेता टिमलाई पुरस्कार जिल्ला समन्वय समिति दोलखाका प्रमुख बर्जुराम घतानीले वितरण गर्नु भएको थियो ।
Be the first to comment on "भलिबल प्रतियोगिताको उपाधि मेलम्चीलाई"