पुर्व विद्यार्थी समाज गठन

सिन्धुपाल्चोक(दीस)ः जिल्लाको श्री बाल सुधार माध्यमिक विद्यालय मा अध्यन गरेका पूर्व विद्यार्थीहरुले पूर्व विद्यार्थी समाजको गठन गरेका छन् । शनिवार सम्पन्न उक्त विद्यालयका पुर्व विद्यार्थीहरुको भेलाले पूर्व विद्यार्थी समाज गठन गरेको हो ।
पूर्व विद्यार्थी भेला आयोजक मुल समितिको आयोजनामा भएको भेलाले विद्यालयका पुर्व विद्यार्थी प्रदिप पुरीको अध्यक्षतामा श्री बाल सुधार माध्यमिक विद्यालय पुर्व विद्यार्थी समाज तदर्थ समिति गठन गरेको आयोजकले जानकारी दिएको छ । समितिका अन्य पदाधिकारीहरुमा उपाध्यक्षमा दिपा श्रेष्ठ, सचिबमा नवीन श्रेष्ठ तथा कोषाध्यक्षमा नविन गिरी रहनु भएको छ । यसैगरी सदस्यहरुमा देवराज सुवेदी, कृष्ण ढुंगाना, सोनाम तामाङ, कमला श्रेष्ठ, सुस्मिता गिरी चयन हुनुभएको छ ।