नेकपा एमाले दोलखाकाे अध्यक्षमा श्रेष्ठ निर्वाचित

दीक्षण समाचार
चरिकोट, पुस २६
नेकपा एमाले दोलखाको दशौँ जिल्ला अधिवेशनबाट नरबहादुर श्रेष्ठ निर्वाचित हुनुभएको छ । अध्यक्ष पदका लागि श्रेष्ठ र भरत दुलालबीच प्रतिस्पर्धा भएको थियो । सोमबार साँझ सम्पन्न मतपरिणामले दुई प्रतिस्पर्धिमध्ये नर बहादुर श्रेष्ठ अध्यक्षमा विजयी हुनुभएको हो । उहाँको प्रतिस्पर्धि भरत दुलालले दुई सय ८४ मत प्राप्त गर्नुभएको थियो भने श्रेष्ठले पाँच सय ९ मत प्राप्त गर्नुभएको थियो । दुई सय २५ मतान्तरले श्रेष्ठले दुलाललाई हराउँदै अध्यक्ष पदमा विजयी हुनुभएको निर्वाचन समितिले जनाएको छ । निर्वाचन समितिले दिएको जानकारी अनुसार उपाध्यक्षमा राजेन्द्र मानन्धर, सचिवमा हिरा थोकर, उपसचिवमा धर्मेन्द्र मोक्तान विजयी हुनुभएको छ ।  त्यसैगरी कमला बस्नेत र सुन्दर कार्की समान २२३ मत प्राप्त पाउनुभएकाे छ । विधानअनुसार उसचिव दुइ जना रहने व्यवस्था छ ।