चरिकोट –दोलखामा जिल्ला प्रशासन कार्यालयले दोलखाले राति १० बजेपछि देउसी भैलो खेल्न निषेध गरेको छ। नेपालीको दोस्रो ठूलो चाड तिहारलाई हर्षोल्लासका साथ मनाउन मर्या्दित र अनुशासित तरिकाले देउसीभैलो खेल्न अनुरोध गरेको छ। मदिरा सेवन गरी होहल्ला नगर्न पनि प्रशासनले अनुरोध गरेको छ। चाडपर्व लक्षित विशेष सुरक्षा योजनाअन्तर्गत समयसीमा तोकिएको प्रशासनले जजनाएको छ । रातको समयमा देउसी भैलोका नाउँमा उच्छृखल गतिविधि हुनसक्ने भएकोले चाडपर्व लक्षित अभियानमा साथ दिन प्रशासनले अनुरोध गरेको छ । मादक पदार्थको सेवनबाट झैझगडा, हुलहुज्जत तथा शान्ति सुरक्षामा खलल पुग्नसक्ने भएकाले देउसी भैलो खेल्ने समयावधि तोकिएको हो । तोकिएको समय भन्दा पछि देउसी भैलो खेलिएको पाइएमा कारवाही गरिने प्रशासनले जनाएको छ।
दोलखामा राती १० बजेपछि देउसी भैलो खेल्न नपाइने
![](http://www.dikshannews.com/wp-content/uploads/2019/10/aaaa-631x437.jpg)
Be the first to comment on "दोलखामा राती १० बजेपछि देउसी भैलो खेल्न नपाइने"