दुर्घटनामा परी सहचालकको मृत्यु

चरिकोट (दीस) ः दोलखाको भीमेश्वर नगरपालिका–९, चित्रेमा आइचर गाडी दुर्घटना हुँदा एक जनाको मृत्यु भएको छ। सोमबार सिन्धुपाल्चोकबाट कुखुराको मल लिएर आइरहेको बा.५ ख ५७३ नम्बरको आइचर गाडी सोही वडाको पैरे चौउरमा दुर्घटना हुँदा सहचालक विजय तामाङको मृत्यु भएको हो।

दोलखा प्रहरीका अनुसार गाडी आफैं अनियन्त्रित भई सडकबाट करिब १०० मिटर तल खस्दा चालक र सहचालक दुबैजना घाइते भएका थिए। गम्भीर घाइते सहचालकलाई उपचारका लागि चो-रोल्पा अस्पताल चरिकोट ल्याउने क्रममा तामाङको मृत्यु भएको प्रहरीले जनाएको छ।