टाइगर टिम टिखाताल बागमती प्रदेश लिग फुटबलको फाइनलमा प्रवेश

चरिकोट (दीस) ः हेटौंडामा जारी दोस्रो बागमती प्रदेश लिग फुटबल प्रतियोगितामा दोलखाको टाइगर टिम टिखाताल फाइनलमा प्रवेश गरेको छ। बुधबार सम्पन्न पहिलो सेमिफाइनल खेलमा सिन्धुलीको ब्लू अल्पाइन क्लबलाई २–१ गोलले पराजित गर्दै लिग विजेता टाइगर टिम टिखाताल फाइनलमा पुगेको हो।

टाइगर टिम टिखाताले भोलि हुने अर्को सेमिफाइनल खेलमा लक्की स्टार ललितपुर र चित्लाङ काठमाडौंबीचको विजेता टोलीसँग फाइनलमा प्रतिस्पर्धा गर्नेछ। ११ जिल्लाको सहभागिता रहेको लिगको फाइनल खेल शनिबार सम्पन्न हुने जानकारी जिल्ला फुटबल संघ, दोलखाका अध्यक्ष कौरव पाण्डेले दिनुभएको छ।

प्रतियोगिताका विजेता टिमले २ लाख नगद, शिल्ड, मेडल तथा प्रमाणपत्र प्राप्त गर्नेछ भने उपविजेता टिमले १ लाख नगद, शिल्ड, मेडल तथा प्रमाणपत्र प्राप्त गर्नेछ।