ज्योति लाइफद्धारा बीमाको रकम हस्तान्तरण

चरिकोट (दीस)ः ज्योति लाईफ इन्स्योरेन्स कम्पनी चरिकोट शाखाले बीमाको रकम मृतकको परिवारलाई हस्तान्तरण गरेको छ । दोलखाको बैतेश्वर गाँउपालिका वडा नं ६ का मृतककी श्रीमती तुलसा आचार्य घिमिरेलाई उक्त बीमा बापतको रकम भुक्तानी गरिएको दोलखाका शाखा प्रमुख चुडा श्रेष्ठले बताउनु भयो । मृतक हेमराज घिमिरेले दुई लाख बिमांक रकमको ज्योति सुरक्षित बचत जीवन बिमा योजनामा १५ बर्षको लागि बीमा गर्नुभएको थियो। मृतक घिमिरेको भदौमा वैदेशिक रोजगारको क्रममा कुवेतमा मृत्यु भएको थियोे । उक्त मृत्यु बापतको दाबी भुक्तानी सोमबार कार्यक्रमको बीच ज्योति लाईफ इन्स्योरेन्स कम्पनी लिमिटेडका चरिकोट शाखाका प्रमुख चुडा बहादुर श्रेष्ठले स्व.हेम राज घिमिरेको श्रीमती तुलसा आचार्य घिमिरेलाई चेक हस्तान्तरण गर्नुभयो।