जिल्ला सहकारी संघ दोलखाको अध्यक्षमा देवीप्रसाद शर्मा फुयाल चयन

चरिकोट (दीस) ः जिल्ला सहकारी संघ लिमिटेड दोलखाको १८ औँ वार्षिक साधारणसभाबाट संघको अध्यक्षमा देवीप्रसाद शर्मा फुयाल चयन हुनु भएको छ । आज चरिकोटमा भएको साधारण सभाले उहाँलाई निर्विरोध निर्वाचित गरेको हो । संघको वरिष्ठ उपाध्यक्षमा कृष्णप्रसाद दाहाल, महिला उपाध्यक्षमा सरुणा बस्नेत, महासचिवमा दिलबहादुर केसी र कोषाध्यक्षमा नविनकुमार खतिवडा निर्विरोध निर्वाचीत हुनु भएको छ । साधारणसभाले संघको कार्यसमितिको सदस्यमा गोपाल जिरेल, सविना भण्डारी, अप्सरा चौलागाई, सन्तोष खड्का, सिताराम उप्रेती, राजन श्रेष्ठ, हरिहर न्यौपाने,सरला सापकोटा र केदार दाहाललाई निविर्रोध निर्वाचित गरेको छ । ३ पद सचिब , लेखा संयोजक र महिला सदस्यमा भने सहमती जुट्न नसकेको निर्वाचन समितिले जनाएको छ ।
सचिबमा २ जनाको उम्मेद्वारी परेको छ । जसमा विकास चौँलागाई र मिनकुमार खड्काकाे उम्मेद्वारी परेकाे छ । लेखासमितिको संयोजक पदमा पुष्कर कुमार दाहाल र रत्नबहादुर श्रेष्ठको उम्मेद्वारी परेको छ । खुल्ला महिला सदस्यमा २ जना चाहिनेमा ३ जनाको उम्मेद्वारी परेको छ । सोही कारण ती पदमा भने सहमती जुट्न सकेको छैन ।सहमति प्रयास गरिने बताईएकाे छ।