खाद्य तथा सरसफाई सामग्री वितरण

चरिकोट, – दोलखाको कालिञ्चोक गाउँपालिकाको तीन वडाका कोभिड १९ प्रभावित समुदायका अति विपन्न ५० घर धुरीलाई खाद्य तथा सरसफाई सामग्री वितरण गरिएको छ । सो समुदायलाई दशैँ मनाउनको लागि सहयोग स्वरुप कोभिड १९ प्रतिकार्य कार्यक्रम अन्तर्गत शनिबार वडामै पुगेर खाद्य तथा सरसफाई सामग्री वितरण गरिएको हो । कोभिड १९ प्रतिकार्य कार्यक्रम लुरथर वल्र्ड फेडेरेसनसँगको साझेदारीमा हुराडेक नेपाल दोलखाले सञ्चालन गर्दै आएको छ ।

वडा कार्यालयले छनोट गरी सिफारिस गरेका घरपरिवारलाई २५ किलो चामल, दाल, खानेतेल, नुन, पिठो र सरसफाइको सामग्री वितरण गरिएको हुराडेक नेपालका अध्यक्ष उद्धव पोखरेलले बताउनुभयो । हुराडेक नेपाल, दोलखाका कार्यसमिति सदस्य गंगा पौडेल, कार्यकारी निर्देशक सुन्दर लामीछाने, प्रशासन प्रमुख शेर बहादुर भुजेल, लेखा प्रमुख कृष्ण भुजेल लगायतले उपस्थितिमा सामग्री वितरण गरिएको हो