कालिन्चाेक दर्शन गर्न गएकी एक महिलाकाे मृत्यु

पुस २५–दोलखाको कालिञ्चोक मन्दिर दर्शन गर्न गएकी एक महिलाको मन्दिर नपुग्दै शनिबार मृत्यु भएको छ । मृत्यु हुनेमा मकवानपुर जिल्लाको फापरबारीका ३३ वर्षिया सम्झना रोक्का मगर रहेका जिल्ला प्रहरी कार्यालय दोलखाले जनाएको छ । कालिञ्चोक मन्दिर दर्शन गर्नका लागि शुक्रबार बेलुकी परिवार सहित कुरी बजार पुगेर मगर होटलमा बास बसेकी थिइन् । शनिबार बिहानैदेखि सामान्य बिरामी भएकी मगर होटलमा आराम गरेर बसिरहेकी थिइन् । तर बिहान करिब साढे दश बजे एक्कासी बेहोस भएपश्चात् उनलाई सदरमुकाम चरिकोट दोलखा सामुदायिक अस्पतालमा उपचारको लागी ल्याइएको थियो । तर अस्पताल प¥याए लगतै मगरलाई डाक्टरले मृत घोषणा गरेको जिल्ला प्रहरी कार्यालय दोलखाका सुचना अधिकारी एवम् प्रहरी निरीक्षक अन्जन कोइरालाले बताए । सम्झनाको लेक लागेर मृत्यु भएको हुन सक्ने अनुमान गरिएको छ ।