उपाधि द राइजिङ स्टारलाई

चरिकोट (दीस)ः भीमेश्वर नगरपालिका वडा नं ५ मा आयोजित वडाध्यक्ष कप फुटबल प्रतियोगिताको उपाधि द राइजिङ स्टार स्कुलले जितेको छ। शनिबार बुढाभीमसेन खेल मैदानमा सम्पन्न दोश्रो जिल्लाव्यापी मावि स्तरीय छात्र फुटबल प्रतियोगिता २०८१ मा पेनाल्टी सुटआउटमा ५–४ गोलअन्तर हराउदै अलपाइन स्कुललाई पराजित गर्दै राइजिङ स्टार स्कुलले उपाधि जितेको हो ।
प्रतियोगिताको विजेता राइजिङ स्टार स्कुलले ७५ हजार रुपैयाँ नगद, ट्रफी, र मेडल प्राप्त गरेको छ भने उपविजेता अलपाइन स्कुलले ४५ हजार नगदसहित ट्रफी र मेडल प्राप्त गरेको छ। जिल्लाभरका २० समूहले सहभागिता जनाएको प्रतियोगिता माघ १ गतेबाट सुरु भएको थियो।निर्धारित समयमा दुबै टीमले  १–१को गोल गरेको खेल संयोजक रवि बस्नेतले जानकारी दिनु भयो ।