महायान धारिणी पुजापाठ सम्पन्न

बाबुराम शर्मा (चरिकोट) – दुई दिने महायान धारिणी पाठपूजा सम्पन्न भएको छ । भीमेश्वर नगरपालिका–२ ऐतिहासिक सहर दोलखामा ११ जना लामा गुरुहरुद्वारा गरिएको सो पूजा सम्पन्न भएको हो । पद्यवर्ण बुद्धविहार दोलखाको आयोजना तथा पद्यवर्ण महायान विहार ललितपुरको सहयोगमा सो पुजा सम्पन्न भएको पद्यवर्ण बुद्धविहार दोलखाका अध्यक्ष सुनील मास्केले जानकारी दिनु भयो । उहाँका अनुसार लामाहरुद्वारा शुक्रबार महायान धारिणी पाठपूजा र शुक्रबार धूप साङ साङता पूजा सम्पन्न गरिएको हो । समसामयिक महामारी कोरोना जस्ता रोग, दिन, दशा, बाधा अडचन हटाई सम्पूर्ण दोलखावासीलाई शुभ लाभ प्रदान गर्न यो पूजा पाठ गरिएको हो । विहीबार महायान धारिणी पाठ पूजा ( सबै देवीदेवताको आराधाना पूजा ) र शुक्रबार लुङता साङ ( धूप ) पूजा गरिएको पनि उहाँले स्पष्ट पार्नु भयो । काठमाडौँबाट आएका छ जना र चरीकोट चरिघ्याङका पाँच जना लामा गुरुहरुले गरेको यो पूजामा करिब सय जना भक्तजनको सहभागिता रहेको बताइन्छ ।